【消委會驅蚊產品測試】近3成產品冇列成份濃度　部分更可會引致皮膚過敏

夏天到，唔少人少不免會去郊外玩，但夏天嘅天氣又特別多雨水，容易令蚊蟲滋生。今日消委會就公布早前測試市面上69款天然及化學驅蚊產品常見成分，發現近3成樣本的標籤資料沒有列明驅蚊成分濃度，並指出產品中嘅成分有可能會引致過敏成分，叮囑大家小心使用，尤其係用喺嬰幼兒身上。

Photo from 消委會

喺消委會最新公布嘅69款常見嘅驅蚊產品（包括噴務裝、驅蚊貼、乳液、手帶或手環及濕紙巾等）中，當中28款標示含有美國疾病預防及控制中心推薦嘅5種驅蚊劑活性成分，另外9款則分別含丁基乙酰基氨基丙酸乙酯（簡稱 IR3535）、對-薄荷烷-3,8二醇（簡稱PMD），以及甲基壬基酮（又稱IBI-246），佢哋均屬生物性除害劑，可從天然物質提取或合成而來。

Photo from Presslogic

不過，消委會就提醒家長須留意部份化合物並不適用於嬰幼兒身上，例如派卡瑞丁和 IR3535 雖然無色無臭，但使用中或會刺激眼睛。

而如果使用含高濃度嘅避蚊胺（DEET）產品，更有機會引致皮疹、水泡，刺激皮膚及黏膜。衞生署衞生防護中心建議，兒童使用含此成分嘅產品濃度不應超過10%。

Photo from 消委會

另外，3款含對-薄荷烷-3,8二醇（PMD）嘅產品中，有1款並冇標明含量，另外2款則標示其含量分別為26%及10%。PMD提取自檸檬桉或檸檬尤加利樹的精油，美國疾控中心及加拿大兒科學會指此成分之產品並不建議3歲以下兒童使用，就算3歲以上人士使用時也應避免接觸眼睛。

Photo from 消委會

測試中，有41款產品標榜使用天然植物驅蚊成分。其中28款標示含香茅油（citronella oil），濃度介乎0.95%至65%。

而23款可用於皮膚嘅驅蚊噴霧或液態裝用品中，16款冇標示所含植物成分濃度，消費者難以確定其防蚊成效。有5款包括「Watsons天然驅蚊水」、「babyganics天然驅蚊噴霧」、「Biologika嬰幼兒有機驅蟲噴霧」、「California Baby natural bug blend BUG REPELLEN」，及「mambino organics有機草本全效防蚊水」，標示香茅油嘅濃度少於10%，未必能提供長時間驅蚊效能。

Photo from 消委會

此外，大家喺使用時要注意，香茅油可能會輕度刺激皮膚、眼睛、喉嚨，引致咳嗽，長期或頻繁接觸可能會引致皮膚過敏，加拿大政府已建議不應用於嬰幼兒身上。

延伸閱讀：【消委會驅蚊產品測試】近3成驅蚊產品無列成份濃度難評估防蚊成效　含天然成分或致皮膚過敏嬰幼兒不宜用

Photo from Presslogic

另外，消委會更指出3類人士特別容易惹蚊嘅原因，其實未必同血型有關。

消委會引述英國史丹福郡大學生物科學講師Richard Halfpenny嘅研究指，普遍大汗人士、呼出二氧化碳濃度高或體溫較高啲人士，都是較惹蚊的。

研究中指出人體嘅皮膚、毛孔及頭髮毛囊上，都有上百萬非致病性微生物菌群，因應唔同人嘅遺傳、飲食習慣、居住地及周遭環境等，微生物菌群都會有唔同嘅組合，而所釋出嘅人體氣味亦有所不同，當中部分氣味就係屬於特別容易吸引蚊嘅氣味。

Photo from Presslogic

另外亦有指蚊可自由檢測環境中嘅二氧化碳量，當人做完運動，呼出嘅二氧化碳量濃度及體溫較高時，亦會比較容易吸引蚊。

因此消委會從以上嘅研究中得出，普遍大汗、呼出二氧化碳濃度高或體溫較高嘅人，都屬較惹蚊，建議做好防蚊措施。

Photo from Presslogic

最後，消委會更列出8項喺大家選購驅蚊產品及使用時，應注意嘅事項：

1. 要達到驅蚊效果，須使用濃度成分較高的驅蚊劑，其保護時間亦較長，惟需注意使用方法，以免引致皮疹、水泡及令皮膚和黏膜受刺激的風險

2. 衞生署建議，成人及兒童使用避蚊胺時，其濃度分別不應逾30%及10%，6個月或以下的嬰兒則應避免使用。如兒童前往蚊傳疾病流行的國家或地區而有機會被蚊叮咬，兩個月或以上的兒童可使用濃度上限為30%的避蚊胺

3. 避蚊胺和丁基乙酰氨基丙酸乙酯（IR3535）可溶解膠質物品或某些合成纖維，若手部沾上這些成分的驅蚊產品，再提取含有膠部件的東西，例如手機、相機及膠框眼鏡等，可能損壞該物品

4. 如在戶外需同時使用防曬產品和驅蚊產品，應先用防曬產品，待15至30分鐘完全吸收、乾透後，才塗上驅蚊產品

5. 應在空曠地方噴灑驅蚊劑，注意要遠離火源以免引起火災

6. 兒童返回室內後，建議用梘液及清水，洗淨其塗抹過驅蚊劑的皮膚

7. 孕婦或授乳媽媽應使用避蚊胺濃度不多於30%的驅蚊劑。授乳媽媽在接觸嬰兒或餵奶前，要徹底清潔雙手及身體

8. 成人應先將驅蚊劑置於自己掌心，才塗抹於兒童身上，並避免塗抹於兒童的眼睛、口、手範圍、以及傷口或敏感皮膚上，以防誤食

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）